Mahakama yawafutia 44 kesi, Wabunge wang'ang'aniwa

Na Fatuma Muna

Washtakiwa 44 kati ya 57 wa kesi ya kuchoma moto ofisi ya Serikali ya kijiji cha Sofi wilayani Malinyi mkoani Morogoro wamefutiwa mashtaka na kuwa huru, huku wabunge wa CHADEMA wakipamgiwa tarehe ya kusomewa maelezo ya awali mwezi ujao.

 

Hakimu aliyekuwa akisikiliza kesi hiyo, Ivan Msack ameridhia ombi la kuwafutia mashtaka washtakiwa hao na hivyo kuhairisha kesi hadi Aprili 24 ambako washtakiwa 13, wakiwemo wabunge wawili Suzan Kiwanga (Mlimba) na Peter Lijualikali wa Kilombero.
Wakili wa Serikali, Sunday Hyera aliwasilisha ombi la kuwafutia mashtaka washtakiwa hao 44 kwa kile walichodai kuwa hawana ushahidi wa nguvu utakaowatia hatiani washtakiwa hao.
Mawakili upande wa utetezi umeweka wazi kuwa wanajiandaa kukabiliana na ushahidi utakaotolewa na upande wa mashtaka dhidi ya wabunge hao na wengine 11.